[88702] in tlhIngan-Hol
qoqqoqmey - jaj wa'maH cha'
daemon@ATHENA.MIT.EDU (ghunchu'wI' 'utlh)
Fri Jan 21 14:07:45 2011
Date: Fri, 21 Jan 2011 13:48:36 -0500
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
DaHjaj wIy wIchenmoH.
De'wI' mach ngaS SeHlaw.
De'wI' jIHDaq De' wIneHbogh wIcha' net chaw'.
jIHwI' nap ghaj De'wI' motlh.
qoq SoSbor jIHbeH De'wI'.
nguSDI' HoS, leQ Dotlh, ratlhbogh 'ul, latlh je cha' De'wI'.
rutlh noch DIchel.
qoq volchaH tajvaj noch DIchel.
qoq lurgh noch DIchel.
jIHwI' wIghunnIS.
qoq wIghunnIS.
QapmeH jIHwI', quqnIS jIH choHmey qoq choHmey je.
napbe'law' choHmeH mIw.
loQ maDegh.
'ach nom Qapbogh mIw wISam.
DaH De' lI'qu' cha' SeHlaw jIH.
qoq ngo' wIlo'taH.
QIt chen qoq chu'.
baS meyrI', baS bID meyrI' je 'oH.
rutlhmey DeS je Hutlh.
paSchoH poH.
wejmaH wej leS rIntaH qoq net poQchu'.
wej jIbIt, 'ach tugh jIbItchoH.
-- ghunchu'wI'
