[88672] in tlhIngan-Hol
SoDqu'
daemon@ATHENA.MIT.EDU (R Fenwick)
Thu Jan 13 08:58:25 2011
From: R Fenwick <qeslagh@hotmail.com>
To: <tlhingan-hol@kli.org>
Date: Thu, 13 Jan 2011 23:44:29 +1000
Errors-to: tlhingan-hol-bounce@kli.org
Reply-to: tlhingan-hol@kli.org
latlh tetlh QIn vIlaDlI'. vItIv. vIjang vIneH je. 'ach qaStaHvIS wej jaj
loS jaj ghap, wej jIjang, naDev qaSmo' wanI' 'Iq. tugh qaSbe'choH 'e'
vItul.
naDev SoDtaHqu'. povam, loSlogh Qoylu'pu'DI' jenqu'choH bIQtIq. Brisbane
veng botlhDaq 12.74 'uj 'ab bIQ. cha'Hu' 15.5 'uj 'ab bIQ net noH. mujmo'
noHwI' 'ej loQ 'eSmo' bIQ maQuch, 'ach QIH veng. QaD juHwIj [pun absolutely
intended], 'ej DaH HeDpu' bIQ, 'ach juH law''e' So'pu' bIQ, lammoHpu' bIQ
'ej tebpu' bIQ. Heghpu' wa' loD. QIH vengvam, Sepvam latlh veng law' je.
qach law' DIchennISqa'moH 'ej bIQtIq retlh wISay'nISmoH. Qatlh Qu'vetlh
'ach 'ut. Qu' rInmoHlu'meH, chaq 'ut wa' DIS cha' DIS ghap net maq.
Huch bonob 'e' vIqoy'be'qu', 'ach Qughmo' Sunobqangchugh, De'wI' Daq
cherta' Queensland qum 'ej pa' SunoblaH.
SKI: The floods QeS spoke of on Tuesday have spent two days reaching their
peak in QeS's home city, Brisbane. It wasn't as bad as first predicted but
have still caused huge property damage and at least one loss of life.
QeS 'utlh
