[88668] in tlhIngan-Hol
qoqHommey - jaj cha'
daemon@ATHENA.MIT.EDU (ghunchu'wI' 'utlh)
Mon Jan 10 10:36:09 2011
Date: Mon, 10 Jan 2011 10:25:00 -0500
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
DaHjaj jomaj wInuD 'ej wI'ol.
majeSmeH maDIlnIS. 'ut vagh SaD Dollar.
cha' potlh wIje'. 'ovmeH DIb wISuq 'ej luch wISuq.
Sarqu' luch. ngaSwI' tIn Hev Hoch 'ovwI' ghom. qIj ngaSwI'vam.
nguSDI'mey, muD 'ochmey, 'ul qengwI'mey, De'wI' De', Se' QumwI',
nochmey, latlh law' je ngaS.
ngaSwI' cha'DIch Hev ghom chu'. SuD ngaSwI'vam.
De'wI', HaSta HotlhwI', qoq SoSbor, ruQmeH
machu'be'mo' ngaSwI' SuD wIHevbe' maH.
latlh Hev je Hoch. baS, rutlhmey, veraghmey, HoS choHwI'mey je DIHev.
'op wIpIHbogh wIHevbe'law'. Dach loS tu'HomI'raHHey. maSaHbe'.
Dach je cha' potlhmey machqu'.
bIH DIghajbe'chugh, rutlhmey DIngmoHlaHbe' nguSDI'.
Do' Sumqu' potlhmeyvam Hal. DIpoQchugh, nom DISuqlaHbej.
ja'chuqtaH ghomHommey. Dupmey qeltaH.
Dup napqu' wIv ghomHom vIboQbogh. tlhoS qechmey muchrup.
cha'leS much ghomHommey. wejleS ghomHa' ghomHommey 'ej wa' nab wIv ghom naQ.
-- ghunchu'wI'
