[88646] in tlhIngan-Hol
Re: qoqqoqmey
daemon@ATHENA.MIT.EDU (R Fenwick)
Sat Jan 8 06:27:25 2011
From: R Fenwick <qeslagh@hotmail.com>
To: <tlhingan-hol@kli.org>
Date: Sat, 8 Jan 2011 21:13:30 +1000
Errors-to: tlhingan-hol-bounce@kli.org
Reply-to: tlhingan-hol@kli.org
ghItlhpu' ghunchu'wI', jatlh:
>qoqmey chenmoH ghom. 'ov qoqmey. yoq rurbe' qoq; mIqta' neH bIH. motlh
>SeH'eghbe'. qoqqoq luruQ ghojwI'. 'ach bIHvaD qoq ponglu'bej.
toH! qaStaHvIS DISmey 1997-2003, wo' tay'Daq much leghlu'. muchvam'e',
qoqqoqmey luSuvchuqmoHlu' 'ej 'ovchuq ghommey law'. muchvamvaD pong {qoq
noHmey} noblu'. muchpu' Craig Charles (BBC much {HovHom Doq}vaD "Lister"
Dabogh nuv'e'). muchvam DaSov'a'? wa' DIS cha' DIS ghap U.S.Daq muchvam
leghlu' je. muchvam rur'a' qoqqoq Quj DaDelbogh?
taH:
>mavumtaHvIS Sermaj vIDel 'e' vIHech. Hoch jaj vay' Daj vISam 'e' vInID.
>QonoSwIj botIvjaj. botIvbe'chugh, 'oy' boSIQjaj.
jIH chobuQnISbe'bej. Daj 'e' vItul. DatIv 'e' vItul. Serraj vISov vIneH.
peDo''eghmoH! ghorgh Quj taghlu'?
QeS 'utlh
