[88601] in tlhIngan-Hol
qoqqoqmey
daemon@ATHENA.MIT.EDU (ghunchu'wI' 'utlh)
Wed Jan 5 14:47:03 2011
Date: Wed, 5 Jan 2011 14:35:46 -0500
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
ghojwI' ghom vIboQ. ghom luDev loS nuv: wa' ghojmoHwI', wa' jonwI',
wa' ghojwI' Duy (SoS ghaH), jIH je.
qoqmey chenmoH ghom. 'ov qoqmey. yoq rurbe' qoq; mIqta' neH bIH. motlh
SeH'eghbe'. qoqqoq luruQ ghojwI'. 'ach bIHvaD qoq ponglu'bej.
Hoch DIS pIm Quj. wa' ben moQmey mach pup qoqmey. cha' ben rav
Habqu'Daq leng 'ej qoch DoS qeng. wej ben nom che'ron lubav, moQ tIn
yuvtaHvIS.
tugh tagh Quj chu'. DaHjaj Quj chutmey DISovbe'. wejleS chut
lu'anglu'. ghIq qaStaHvIS jav Hogh mavum. QujmeH mIw wIqel. Dup wIwIv.
qoq wI'ogh. qoq wIlIng. qoq wIghun. rInDI' jav Hogh poHvam, ngaSwI'Daq
qoqmaj wIngaQmoH 'ej loSmeH qachDaq 'oH wIHIj. qaStaHvIS cha'maH wej
jaj qoqmaj wIleghbe'. che'ronDaq wISuqqa'.
mavumtaHvIS Sermaj vIDel 'e' vIHech. Hoch jaj vay' Daj vISam 'e'
vInID. QonoSwIj botIvjaj. botIvbe'chugh, 'oy' boSIQjaj.
-- ghunchu'wI'
SIvwI'pu': http://www.technokats.org/ yIHotlh
