[88132] in tlhIngan-Hol
jIjatlh neH
daemon@ATHENA.MIT.EDU (lojmIt tI'wI' nuv)
Tue Aug 3 17:18:37 2010
From: "lojmIt tI'wI' nuv" <lojmitti7wi7nuv@gmail.com>
Date: Tue, 3 Aug 2010 17:12:26 -0400
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
pIj qaStaHvIS poH 'Iq tlhIngan Hol vIjatlhbe'. chaq jIbuD. chaq Qu'mey law' vIghaj 'ej Qu'meyvam vIbuSnIS. qaSDI', jIpay. Holvam vItIvqu'. yabwIj vummoH. buDchoH yabwIj vIneHbe'chu'.
toH, jIjatlh vIneH. nuq vIbop? nuq vIDellaH? qay' ghu'.
DaH ghIQlI' be'nalwI'. bIQ'a' HeH Such. bIQ'a' HeH vItIvbe', 'ej leSpoHDaj nI' law' leSpoHwIj nI' puS, vaj vItlhejbe'. juHDaq jIratlh.
jIje''eghnIS. qay'. vutlaHchu' be'nalwI'. jIvutlaH je, 'ach qubmo' wanI', pujchoH laHwIj. poH poQlu', 'ach vutmeH poH vInatlh vIneHbe'. vaj DachtaHvIS be'nalwI', jISopchu'be'.
DaHjaj yuch 'Iq vISop. loQ jIrop.
be'nalwI''e' jIH'e' je, jav Hu' maghIQchoH. wej Hu' pItlh. qun loptaHbogh vengHom wISuch. mID mojHa'taHvIS wo'maj qaS qun lopbogh vengHomvam. mID mon 'oHpu'.
beH tIq chenmoHwI' wISuch. lutlh nuHvam. baS moQHom vo'. baHDI', chuSqu'. tlhIch law' chenmoH. baHqa'meH, poH nI' poQlu'. Qatlh baHrupmeH mIw.
waq chenmoHwI' wISuch. nIb poS waq, nIS waq je. vItuQtaHvIS, choH waqmeyvam. ghIq poS moj wa' 'ej nIS moj latlh, 'ach vItuQpa', nIb.
waqmey vIje'. ngup vIje' je. ngup vIje'taHvIS, maQmIgh vIrur 'e' Har be'nalwI'.
poH vInatlhpu'. jItlheDnIS.
pItlh.
lojmIt tI'wI' nuv
