[87017] in tlhIngan-Hol
Re: The topic marker -'e'
daemon@ATHENA.MIT.EDU (ghunchu'wI')
Mon Nov 23 21:30:28 2009
In-Reply-To: <a1173fff0911231624l717b5dd8m86ae342dabcfdf50@mail.gmail.com>
From: "ghunchu'wI'" <qunchuy@alcaco.net>
Date: Mon, 23 Nov 2009 21:28:19 -0500
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
On Nov 23, 2009, at 7:24 PM, Christopher Doty wrote:
>> Holvam cherbe' Holtej mob. chentaHvIS luSIgh wanI' law'.
>
> tlhingan Hol chenmoHpu' <Mark Okrand>. nuq biH wanI'qoq 'e'??
tlhIngan Hol 'oghtaHvIS Marc Okrand, lut chenmoHwI' toy'. QIchmey
le' ghaj Hol luneH chenmoHwI'pu'.
tlhIngan HolHey much <Hov leng wa'>. qechmey qengba' wabmey.
mu'meyHeyvo' tlhIngan Hol mu'tay' wa'DIch, pab wa'DIch je tlhap Marc
Okrand.
rut tlhIngan mu'mey qon lut chenmoHwI'pu'. wa' qech qeng mu'mey.
ghIq rInpa' lut qech luchoH 'ej jIHDaq mu'mey pIm ghItlhlu'. vaj Hol
mu'mey pab je choHnISpu' Marc Okrand. cha'logh qaS wanI'vam:
<qama'pu' jonta' neH!>
<vaj toDuj Daj ngeHbej DI vI'>/<vaj toDDujDaj ngeHbej DIvI'>
rut pupHa' DawI' QIch. <nepwI' Daba'> moj <nepwI' ghaH>. vaj moHaq
chu' chelnISpu' Marc Okrand, 'ej choH Hol.
rut qech pIHbe'lu'bogh jatlhnIS nuv 'e' poQ lut qonwI'. <taH pagh
taHbe'> DaSov qar'a'? vaj mu' chu' 'oghnIS, 'ej choH Hol.
-- ghunchu'wI'
