[87010] in tlhIngan-Hol
Re: The topic marker -'e'
daemon@ATHENA.MIT.EDU (ghunchu'wI')
Mon Nov 23 19:22:36 2009
In-Reply-To: <4B0B01F8.2000606@trimboli.name>
From: "ghunchu'wI'" <qunchuy@alcaco.net>
Date: Mon, 23 Nov 2009 19:21:36 -0500
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
On Nov 23, 2009, at 4:43 PM, David Trimboli wrote:
>> vaj maQoch maH net chaw'ba', 'ej lI'be' ja'chuqghach.
>> permeyvam vISaHbe'mo' jIjeS rIntaH.
>
> Heh. reH tlhIngan Hol DajatlhchoH bIlujchoHDI'.
DaHjaj tlhIngan Hol vIjatlhchoH jIpuQmo'. jIjatlhchu'meH Holtej
qechmey vIlajnISchu''a' je? ghobe'. 'ach meqwIj yIyajHa'Qo':
jIbupbe'. Christopher vIponlaHbe'mo' Hol vIDeltaHvIS, chaq
mulbe'qangchoH ghaH Hol vIlo'qu'taHvIS.
chaq jInaj neH. ghaytan jInaj neH. va, jInajba'. jIbup. jIlugh
'e' vISaHbe'choH. Holvam vItIv neH 'e' vISaH.
> reHHa' Qochbe' Holtejpu', 'ach ja'chuqtaHqu' 'ej Qochbe' 'e' lunIDqu'.
> 'ach bIjIv 'e' DamaS.
Holtej'a' vIHaDbe'taH jay'. tlhIngan Hol pab wIlo'meH, ram permeyvam
nov'e' bolo'taHbogh. tlhIngan Hol pab wIDelmeH, ram. vangchugh DIp,
wot tlha'. SIQchugh neH DIp, wot tlha'. mu'tlhegh pImmoHbe'
permeyvam. jaS mu'tlhegh wIyajbe'.
'ej mayajchuq wIneHmo' Hol wIlo', qar'a'?
-- ghunchu'wI'
