[86436] in tlhIngan-Hol
mI'meH latlhpu' vIra' 'e' vIghojlI'.
daemon@ATHENA.MIT.EDU (Doq)
Tue Aug 18 21:58:02 2009
From: Doq <doq@embarqmail.com>
To: tlhingan-hol@kli.org
Date: Tue, 18 Aug 2009 21:50:33 -0400
Errors-to: tlhingan-hol-bounce@kli.org
Reply-to: tlhingan-hol@kli.org
jImI' 'e' vItIvqu'.
mI'meH chovnatlh vIDel:
wa' qoch ghaj Hoch mI'wI'.
mI'meH tlhejchuq cha' cheng'engmey.
loD jIH. be' ghaH qochwI''e'. latlh be' ghaH jIlwI'. qoch ghaj jIlwI'
je. loD ghaH jIlwI' qoch.
jIlwI' qochDaj je' 'emDaq mI'lI' loS mI'wI'pu'. loS mI'wI"pu' 'emDaq
mI' loS latlhpu'.
wa' tlheghDaq jIH jIlwI' tu'lu'. tlhegh cha'DIchDaq qochwI' jIlwI'
qoch je tu'lu'.
qaStaHvIS wa' mI'lI'ghach, rut mI' qochpu'. rut mI' loDpu'. rut mI'
be'pu'. rut mI' jIlpu'. rut mI' Hoch.
mI'meH ra' wa' nuv. latlhpu'vaD Hoch mI'lI'ghach ghojmoH ra'wI'vam.
ra'wI'vam vIDa 'e' vIghoj.
roD cha' tlhegh chenmoH mI'wI'pu', 'ach rut meyrI' chenmoH. ra'meH
meyrI' Qatlh law' cha' tlhegh Qatlh puS.
cha'leS jImI'meH, latlh veng vISuch. wejleS raQqoq vISuch. pa' rut
jImI', rut mI'meH latlhpu' vIra', 'ej rut mI'meH latlhpu', Supghew
vIyach. qaStaHvIS wej jaj jIQuj.
jIghIQrup.
Doq
