[86259] in tlhIngan-Hol
Re: Treksfera 2009
daemon@ATHENA.MIT.EDU (Lieven Litaer)
Mon Jul 13 16:03:18 2009
Date: Mon, 13 Jul 2009 22:01:17 +0200
From: "Lieven Litaer" <levinius@gmx.de>
In-Reply-To: <SNT114-W2165302978E7790103E8C5F2220@phx.gbl>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
ja' ISqu':
> qaSpa' wanI'vam not Hov leng ngotlhwI'pu' qepDaq jIjeSpu'.
Dajbej ghu'vetlh. Hov leng ngotlhwI'na' SoHbe' 'e' vISov, 'ach not ngotlhwI' qep DaSuchta' 'e' vISovbe'. Hov leng vIparHa'qu', 'ach qepmeyvetlh law' vISuchbe', roD waghqu'mo' 'elmeH nob.
> Daj wanI'vam 'e' vItul. 'ach jIQub: <<Dajbe'chugh qay'be'.>>
'oH DatIvmo' jIQuch. chaq DaH latlh qepvam rurbogh qep'e' DaSuchqang?
> 'op wen qep DevwI'vo' QIn vIHev. mutlhob DevwI',
> jatlh: <<qaStaHvIS qepmaj tlhIngan Hol bopbogh much'e' yImuch.>>
SepwIjDaq cha'logh mughelta' cha' qep DevwI'pu'; wa'logh jIDo'qu', 'ach wa'logh qabqu' wanI'. wa'ben mughel wa' nabwI', ja': <<ghojmoHwI' yIDa. tInqu' qepmaj, nuSuchbej vaghvatlh ngotlhwI'pu'.>>
nepwI' ghaHba'! Qu' vIlaj. veng vIghoSmeH wejvatlh qelI'qam jIleng. 'ej jIpawDI jeS vaghmaH (!) ngotlhwI' neH. muchwIj bej chaq wa'maH, chaq wa'maHwa' ghot. qabqu' wanI'.
'ach DISvam jar wa'DIch murI'ta' Sepmaj monDaq 'ampaS'a' tIQ. ngotlhwI' qep nabbe' chaH, 'ach HovQeD qep nab. 'ej wanI'vamvaD nov Hol ghojmoHwI' poQ. jIHvaD leng muDelmo', pa' jIghoS net Sov. pa' pa' munob, loSmaH quS ghaj pa'. jIjatlh <<naDev ghoSbe'bej loSmaH ghot!>> 'ach jImuj. qaStaHvIS loS rep muSuchmo' loSvatlh Hol nongwI'pu', chorghlogh muchwIj vImuchnIS. Qapla' 'oHbej jajvetlh.
> law'mo' HaDqangwI'pu' jIbel. muchmeywIj tIvlaw'mo' jIQuch. batlh tlhIngan
> Hol luHaDbejmo' muquvmoH.
Qapla'lIjmo' qaHoy', 'ISqu'. majQa'. reH quvmoH ghojwI' law' net Sov :-)
Quvar.
--
Neu: GMX Doppel-FLAT mit Internet-Flatrate + Telefon-Flatrate
für nur 19,99 Euro/mtl.!* http://portal.gmx.net/de/go/dsl02
