[85946] in tlhIngan-Hol
Re: QaQ puqwI'
daemon@ATHENA.MIT.EDU (Doq)
Thu Jun 25 01:00:32 2009
From: Doq <doq@embarqmail.com>
To: tlhingan-hol@kli.org
In-Reply-To: <f1d476f10906240925k3da6dcddo9bb3f0369a744abe@mail.gmail.com>
Date: Thu, 25 Jun 2009 00:58:23 -0400
Errors-to: tlhingan-hol-bounce@kli.org
Reply-to: tlhingan-hol@kli.org
buD be'nalwI' puqloD. qanmo' puq ghaHbe', 'ach puq DataH; puqloDlI' rur.
jonwI' laH ghojlI' 'ach ghIH pa'Daj.
Doq
On Jun 24, 2009, at 12:25 PM, ghunchu'wI' 'utlh wrote:
> Hol wIlo'qa'jaj jay'!
>
> wejHu' murI' be'nalwI'. muja' <puqloDma' vIqel. buy' ngop, 'ej chIm
> ngop.>
> ghaH vItlhob' <DaH qaS nuq?>
> mujang. tlhIHvaD De'Daj vInob.
>
> yevlI' puqloDma' DuSaq.
> vumbe' ghaH. juHDaq buD.
> reH ba' 'ej reHmeH De'wI' lo'.
> juH ghIHmoH. waQ De'wI'Daj HoS tlhegh.
> ravDaq paSloghDaj ratlhmoH.
> Sop.
> rut jIj 'ej tI chIp 'ach motlh buD neH.
> chIm ngop.
>
> 'ach buy' ngop je.
> HIq tlhutlhbe'.
> chechchoHbe'.
> Huch natlhbe'.
> Suyvo' Soj nIHbe'.
> qach ngaQ 'elmeH Qorwagh ghorbe'.
> jIl puqbe' yatlhmoHbe'.
> bIghHa'Daq weghlu'be'.
> chechwI' ropyaHDaq weghlu'be'.
> chavqoqmeyvam DISIQnISbe'.
>
> be'nalwI' jup SIQmoHmo' jup puqloD, maDo' maH 'e' wItlhoj.
> vaj buy' ngop. QaQ puqwI'.
>
> -- ghunchu'wI'
>
>
>
