[85306] in tlhIngan-Hol
qatlh Holvam vIjatlhtaH?
daemon@ATHENA.MIT.EDU (Doq)
Tue Feb 24 21:24:47 2009
From: Doq <doq@embarqmail.com>
To: tlhingan-hol@kli.org
Date: Tue, 24 Feb 2009 21:22:51 -0500
Errors-to: tlhingan-hol-bounce@kli.org
Reply-to: tlhingan-hol@kli.org
tlhIngan Hol vIjatlh qatlh 'e' vIghojpu'? <<vIghojta'>> qatlh
jIjatlhbe'? jIghoj 'e' vInabbe'. vIHechbe'. qaS neH.
latlh Hol vIjatlh vIneH, 'ach juHDaq DIvI' Hol neH jatlhlu'.
De'wI'wIjmo' tlhIngan Hol yejHaD vItu'. naDev tlhIngan Hol ghojlI'
latlhpu' law', vaj matlhejchuqtaHvIS ghojlaH Hoch.
toH. jIghoj.
ghojtaHmeH meq vISovbe'. Doch 'ugh rur. vIHchoHDI' vIHtaH.
jIyuvnISbe'. vIHtaH. vImevmoHlaHbe'. reH yabwIjtaq taHtaH.
HeDaq jIyIttaHvIS, jIja''egh tlhIngan Hol vIjatlhtaHvIS. latlhpu'
vIja'laHbe'. yajlaH pagh. yajbe' qorDu' juppu' je.
latlhpu' vIghojmoH 'e' vIchup, 'ach ghojQo' Hoch. jIHuj 'e' luchup.
vaj jIchup 'e' vImev.
DaH chegh be'nalwI'. Soj QaQ vISop 'e' chup.
[sigh]
Doq
