[84849] in tlhIngan-Hol
loDnI' be'nI' je maH
daemon@ATHENA.MIT.EDU (Doq)
Mon Jul 21 08:36:43 2008
From: Doq <doq@embarqmail.com>
To: tlhingan-hol@kli.org
Date: Mon, 21 Jul 2008 08:35:25 -0400
Errors-to: tlhingan-hol-bounce@kli.org
Reply-to: tlhingan-hol@kli.org
naDev loDnI' be'nI' je maH Hoch'e'. puq ghaH pagh'e'. vav SoS ghap
ghaH pagh'e'. le' pagh.
bIle' DaneHchugh, Qob He. ben law' Hevam vIyItpu'mo' vIHuplu'ta'. DaH
jIghojpu'. not Hevam vIyItqa'. muvuvbe'ba' SuS. not Duvuv SuS.
'ach jIramtaHchugh, jI'oy'be'. vIHuplu'taHbe', 'ej muHup vay' 'e'
nIDchugh vay', jISaHbe'. qay'be'. jIram. vaj jaghmey vIHutlh. rut
nuQwI'pu' vIghaj, 'ach jaghmey vIHutlhtaH. ghIlob ghewmey vIbuSHa'laH.
rut Qagh Hoch. qay'be. bIle'chu' DaneHchugh, bIQaghDI', qay', 'ach
le'taHghachlIj DaHutlhchoHDI', qay'be'choH ghu'. bIQaghpu'. qay'be'.
jIQaghpu'. qay'be.
Holvam yItIv. naDev nuvpu' yItIv.
'ach yIle'Qo'. Hevam Qob yIyItQo'. bIle'qa', vIbIjbe'chugh DubIjbej
latlh. naDev le'wI' parlu'.
jIle'be'bej. jImotlhchu'.
Doq
