[84207] in tlhIngan-Hol
Re: De' wa': SoSnI'wI'
daemon@ATHENA.MIT.EDU (Doq)
Mon Mar 3 08:27:50 2008
From: Doq <doq@embarqmail.com>
To: tlhingan-hol@kli.org
In-Reply-To: <0F377274-7A27-4083-AB8B-F420D908389D@insightbb.com>
Date: Mon, 3 Mar 2008 08:25:54 -0500
Errors-to: tlhingan-hol-bounce@kli.org
Reply-to: tlhingan-hol@kli.org
Heghpa' Heghrupta'mo' SoSnI'lI', jIQuch. nuvpu' QaQ boghmoHta', 'ej
no'chaj muvta'. QaQba'pu' yInDaj.
jIboghpa' Hegh vavwI' vav. jInenpa' Hegh vavwI' SoS. cha'maH cha' ben
jIboghpu'DI' Hegh SoSwI' vav. cha'maH ben Heghpu' SoSwI' SoS. puqpu'
vIHutlh, vaj not no' jIHchoH.
Heghpu' vavwI'. tlhuHtaH SoSwI', 'ach yInbejbe'. reH rutlhmey ghajbogh
quSDaq ba'taH. Soj loS neH. Hegh loSbe'. buSHa' neH.
batlh Heghta' SoSnI'lI'.
Doq
On Mar 2, 2008, at 7:58 PM, Alan Anderson wrote:
> Hegh SoSnI'wI'.
>
> ma'IQbe'. ghaHvaD maQuch. Heghruppu'. Heghqangpu'. qaStaHvIS
> cha'maH DIS yInchu'be'. Hegh loS neH.
>
> qaStaHvIS yInDaj HochHom Somraw' 'oy' SIQ. reH mon 'ej reH Quchlaw'
> 'ach reH 'oy'bej. bepbe'. bechbe'; SIQlaH 'e' nom ghoj. DaH
> SIQnISbe'.
>
> chorgh ben Heghpu' loDnalDaj, vavnI'wI'. pIj SoSnI'wI' Such
> tuqnIghpu', 'ej juHDaj Dab rachwI', 'ach mob. DaH mobnISbe'.
>
> Heghpu' vavwI' vav SoS je. Heghpu' SoSwI' vav SoS je. Heghpu'
> be'nalwI' vav vav SoS je. Heghpu' ba'nalwI' SoS vav SoS je. ngablI'
> no'wI', 'ach vIqawtaHvIS lojlaHbe'.
>
> -- ghunchu'wI'
>
>
