[2568] in tlhIngan-Hol
KSRP: paghmo tIn mIS, 3.4-3.5
daemon@ATHENA.MIT.EDU (daemon@ATHENA.MIT.EDU)
Mon Jan 17 03:46:07 1994
Reply-To: "Klingon Language List" <tlhIngan-Hol@klingon.East.Sun.COM>
From: nsn@vis.mu.OZ.AU (Nick NICHOLAS)
To: "Klingon Language List" <tlhIngan-Hol@klingon.East.Sun.COM>
Date: Mon, 17 Jan 94 11:50:50 EDT
3.4.
'el *Hero* *marIgharet* je *'urSula* je
H: *'urSula* QaQ, *be'terIS*, benI''a'wI' yIvemmoH,
'ej QotHa'meH ghaH yIra'
'U: lu', jaw
H: 'ej naDev cholmeH ghaH yItlhob
'U: lu'
mej
Mar: va, yIvbeHlIj latlh QaQ law' yIvbeHvam QaQ puS 'e' vIHar
H: Qo', *marghoy* QaQ, Dochvam'e' vItuQ
Mar: va, QaQqu'be', 'ej "QaQbe'" jatlhbej benI''a'lI' 'e' vIpIH
H: vaj qoH ghaH benI''a'wI''e', 'ej qoH latlh SoH
Dochvam pagh latlh je vItuQ
Mar: pa'Daq mIv chu' tu'lu'bogh vIparHa'qu',
jIblIj chaq Hurgh law'chugh, jIblIj DaH Hurgh puSchugh
'ej Sar qub ghaj paHlIj, va
*mIla'no* qumwI'be' paH naDqu'lu'bogh vIleghpu'
H: toH, Dojmo' DellaHbe' 'oH, ja'lu'
Mar: va, paHlIj qellu'chugh, 'oH nIvnav'e' neH
baS SuD tlheghHommey ghaj
SIjpu'ghachHommey, baS chIS tlheghHom HeH je ghaj
ngengmoQHommey lanlu'
DeSSut Qey, DeSSut chach, paHbIngghom je ghaj
'ej paHbIng HeH boch SuD Hurgh ghaj
'ach Sar 'IH, quv, Qap, 'ej pov qellu'chugh,
wa'maHlogh qaq paHlIj
H: vItuQmeH QuchtaHghach vInoblu'jaj!
'Itmo' tIqwIj
Mar: tugh 'ItHa'moHmeH 'ut 'utlhloD
H: wejpuH! bItuHbe''a'?
Mar: qatlh jItuHnIS, jaw?
batlh vIja'mo' jItuHnIS'a'?
toy'wI''a'vaD neH batlh nob tlhogh
qaSpa' tlhogh, batlh ghaj joHlI'
"loDnallI', jIjaqmo' jItlhIj" vIjatlh DaneHlaw'
QIch teH yaHHa'be'chugh naghmeH QubtaHghach, pagh vImaw
"tugh 'ItHa'moHmeH 'ut 'utlhloD"
mawlaH'a' mu'tlheghvam?
mawlaHbe' 'e' vIHar, loDnal lugh be'nal lugh je tu'lu'chugh
tu'lu'be'chugh, 'ItHa'moHbe' 'a vItHa'moH
jaw *be'terIS* yIyu', DaHarbe'chugh
DaH chol ghaH
'el *be'terIS*
H: nuqneH be'nI''a'oy
Bet: nuqneH *Hero* quv
H: toH, chay'?
rop ghogh Daghajlaw'
Bet: loQ ghogh vIghaj 'e' vIHar
Mar: "tIS muSHa'ghach" wIbomjaj
SaHbe' loD, vaj DISnISbe' muSHa'wI', 'ej qoghDaj tuQmoHHa'nISbe'
Bet: tIS nuSHa'ghachlIj net tu' jay'
Qeybogh yIvbeH ghajchugh loDnallI',
vaj pIj tuQ'Ha'eghmoHnIS ghaH 'e' DaqaSmoHbej
Mar: DaH qonpu'ghach QIv vItu'
buSHa'ghachlIjvaD buSQo'ghachwIj vIlo'
Bet: rep vagh Sumlu', be'nI''a'
tugh qaS bIqeqnISghach poH
va, jIpIvbe'qu'
munoblu'jaj jay'
Mar: nuq noblu'?
leSpoH lulIj loDnal joq Danob'a'?
Bet: loD vIlIjmeH poH
Mar: va, DaH 'IptaHghachvaD verengan DaDabe'chugh,
vaj tugh Quv wuvlaH pagh
Bet: nuq ja' 'e' nID qoH 'e' vISovqang
Mar: pagh vIja'qang
'ach HochvaD tIqDaj neHtaHghach, qeylIS qa' ngeHjaj!
H: poghvam'e' mungeHbogh 'ech yIqIm
pIw pov ghaj
Bet: tlhonDu'wIj ghoDlu', be'nI''a'
jIlarghlaHbe'
Mar: DaghoDlu'law', jawbe' quv SoHbogh
vaj bIropchoHtaHvIS, bItIvba'
Bet: qoHmeyvo' muyoDlu'jaj jay'
bItlhaQ, qaStaHvIS 'ar 'e' Daqap?
Mar: qaSchoH, bItlhaQ 'e' DamevDI'
jIHvaD QaQ qar'a' tlhaQtaHghachwIj
Bet: net legh ghot puSqu'
'oHmeH yIntagh'e', tlhaQtaHghachqoqlIj DatuQnIS
va, jIrop
Mar: *be' ne' Doq*vam watlhmoHlu'bogh yItlhap
'ej tIqlIjDaq yIlan
QomtaHghach ropvaD 'umqu' 'oH
H: DaH DarIQmoHlaw', tI pach Dalo'taHvIS
Bet: *be'ne'Doq* Dajatlh
qatlh *be'ne'Doq*?
vay' DaHech, *be'ne'Doq*vam DajatlhtaHvIS
Mar: jIHech'a'?
va, ghobe'
pagh potlh vIHechpu'
'a ne' pachtI Doq vIja'pu'
bImuSHa' 'e' vIHar chaq 'e' DaHar
ghobe', Qu'vatlh
Hoch vIQubqangbogh vIQubmeH qoH jIHbe'
'ej Hoch vIQublaHbogh vIQubqangbe'
'ej ghu'vam vIQublaHQo', jIQubbe'moHlaHmo':
DaH bImuSHa' qoj leS bImuSHa' qoj nem bImuSHa'laH
'ach Dururpu' *be'ne'DIq*
'ej DaH loDna' mojpu'
"not jISaw" 'e' 'Ippu'
DaH tIqDaj tIgh bIv, 'ej qagh Sop vIngbe'taHvIS
'ej chay' bIchoHlaH 'e' vISovbe'
'ach be' latlh Hoch Darur, bIbejmeH mInDu' neH Dalo'mo', 'e' vIHar
Bet: chay' Dovam leH jatlIj?
Mar: ngebmo' rIHwI'Daj
'el *'urSula*
'U: jaw, yIghoS
chIrghDaq nIyongmoHmeH cholta' joH, 'ech, qaH *be'neDIq*, joH *jon*,
veng SuvwI' Hoch je
H: jItuQ'eghmoHmeH HIboQ, be'nI''a' quv, *marghoy* quv, *'urSula* quv
mej chaH
3.5.
'el *le'ona'to*, bu' *DoghberI*, Da' *verjeS* je
L: jIHvo' nuqneH, jIl quv?
D: va, qaH quv, ghu' NuMuSqu'Mogh qaja' vIneHMej
L: nom yIja' 'e' qatlhob
jIHvaD law' malja' 'e' DaleghlaH
D: va, law'Ma', qaH quv
V: HISlaH, law'Ma', qaH quv
L: qaS nuq, jup QaQ?
D: jatstaHvIS ne' *verjeS*, qaH quv,
loQ MuSnISlu'wI'vo' leng
qan loNvam, qaH quv
ej valghghachNaj vIneHMogh law' law' valghghachNaj vItu'Mogh va puS puS
a va yuNHa'mo' Huy'potsNIr rurMej
V: HISlaH, joHa vItso'Mej ghu'mo'
jIyuNHa'mo' yInMogh ghot Hoch vIjuSMej,
qanchugh chaH 'ej chaH yunHa' law'Me'chugh jIH yunHa' puSMe'chugh
D: loN Nal rurghghachmu'tsejmey net Sov
*yutoqtume'nI*, jIl *verjeS*
L: jIlpu', SunuQ
D: juquvmoHMejneS, qaH quvqu', 'e' Dajatsmo'
a joH ram uts neH maH
a jIvItMej vIjatsNI' vIyu'lu'chugh,
jaghlIj Hoch vINuQmeH jIjaqMej
L: jaghwIj Hoch DanuQmeH neH Dajaq qar'a'?
D: HISlaH
chaH vINuQ vIneH, nISengchugh, ej reH jInoNrup
pIj NanaNlu'neS e vIQoypu'
vengNaq pagh lats naNlu' naNvam lo'lu'taHvIS
ram uts jIH neH a naNvam vIQoypu'mo' jIQuchMej
V: jIQuchMej je
L: nuq Dajatlh DaneH 'e' vISovchoH 'e' vImaS
V: va, qaH quv, wa'Hu' ram, Mats pImatstaHvIS wIja'neSMej,
cha' ghot qopta' avwI'ghommaj
ghotvam tsIv law' *meSI'na*Daq ghot Hoch tu'lu'Mogh tsIv puSMej
D: QaQ qanwI'vam, qaH quv
jawtaH
qanchoHDI' vaj qawHa'choH net jats
Qu'vats, qaH quv, merghghach oH ghu'vam
MIQaQMej MIjatstaHvIS, jIl *verjeS*
vaj, ghot QaQ ghaH qeylIS net Sov
lupNujHomNaq cha' ghot tu'lu'chugh,
vaj o'Naq ba'nISMej wa'
yuNHa' ghotvam, va, qaH quv
ghaH yuNHa' law'Me' Soj Sopbogh ghot Hoch yuNHa' puSMe'Mej
a qeylIS naDnISlu'Mej
ej rapchuqMe'law' ghot Hoch
jIQoSMej, jIl QaQqu'
L: bIvIt, jIl
SoH Doj law' ghaH Doj puS
D: No'laHMej ghot
L: SatlheDnIS
D: wa' mu' vIja'Mejjaj, qaH quv
cha' nuMbogh ghot qopta'Mej avwI'ghommaj
ej MISaHtaHvISneS NaHjaj po chaH yu'lu' wIneHMej
L: nIteb tIyu' SoH 'ej yu'taHghach De' HISuq
DaH jImoDqu' 'e' Datu'laH
D: yapMejneS
L: loQ HIq yItlhutlh, SutlheDpa'
tugh peDoH
'el QumyaS
Q: jaw, DaloSlu', loDnalDajvaD be'puqlI''e' wej Danobbe'taHvIS
L: SIbI' chaH vIqIm
jIta'rup
mej *le'ona'to* QumyaS je
D: yIghoS, qoch QaQ, yIghoS
*vIre'SIS qagh*Naq yIghoS
MIghHa'Daq ghItstajNaj ghItsMIQNaj je qemmeH ghaH yIra'
tugh ghotqoqvam wIyu'nISMej
V: ej wIyu'taHvIS mavalnISMej
D: maHvaN lojMej pagh valghghach e vI'Iprup
tugh narghqangMej vay' a narghlaHMe'Mej
a Ne'maj ghItsmeH HaNqu'Mogh ghItswI' yISuq
ej MIghHa'Naq maghomMej
mej chaH
--
== == == == == == == == == == == == == == == == == == == ==
Nick Nicholas, Breather {le'o ko na rivbi fi'inai palci je tolvri danlu}
nsn@krang.vis.mu.oz.au -- Miguel Cervantes tr. Jorge LLambias
