[1277] in tlhIngan-Hol
lut
daemon@ATHENA.MIT.EDU (daemon@ATHENA.MIT.EDU)
Wed Jul 14 18:12:11 1993
Reply-To: "Klingon Language List" <tlhIngan-Hol@village.boston.ma.us>
From: Will Martin <whm2m@uva.pcmail.virginia.edu>
To: "Klingon Language List" <tlhIngan-Hol@village.boston.ma.us>
Date: Wed, 14 Jul 93 16:52:33 EDT
charghwI' pongbogh tlhIngan lut:
"Red Feather" pongpu'bogh "Cherokee" tera'gnan ghaH charghwI' vavnI'.
DIvI' raQ HIvta' vagh tlhInganpu'. raQ merta' tlhInganpu'.
cha'maH wa' tera'nganpu' HoHta' tlhInganpu'.
tlhInganpu'vo' yInta' Hoch.
tera'nganpu'vo' yInta' "Red Feather" neH. So'ta'.
nIteb tlhIngan mob DuQta' "Red Feather" 'ej HoHta'. So'qa'ta'.
lotaHvIS ghopdu'Daj, latlh HoHta'. jaqqu'. QaQqu'. So'qa'ta'.
tera'gnan wampu' wej tlhInganpu'.
bejtaHvIS tlhIngan be', lo'taHvIS tajDaj, cha' tlhInganpu' HoHta' "Red
Feather".
qIrI' pong tlhingan be'. Doj tera'nganvam le' 'e' Qub qIrI'.
tera'nganvaD batlh nob 'e' wuqta' qIrI'.
tera'ngan "mate-with"ta' qIrI'. yInHa'choH tera'ngan.
nuq DapIH? neH tera'ngan ghaH.
"Red Feather" puqloD ghaj qIrI'. mobwI' pong ghaH.
be'pu' tlhegh ghoS "Cherokee" qorDu'pu'. loD ghaH "Red Feather".
loDpu' tlhegh ghoS tlhIngan qorDu'pu'. be' ghaH qIrI'
qorDu' ghajbe' mobwI'.
Sawta' mobwI' 'ej puqloD ghajpu'.
qorDu' ghajbe'taHvIS, Qatlh puqloD yIn 'e' Sov mobwI'.
yIn Qatlh ngepnIS mobwI' puqloD 'e' Sov mobwI', vaj charghwI' pong.
Hut DIS ghajtaHnIS charghwI', charghwI' tIchta' HujwI'.
batlh, tIchwI' Suvta' mobwI'. bejtaHvIS charghwI', mobwI' HoHta' tIchwI'.
DaH, qorDu' ghajbe' charghwI'.
charghwI' vav nge'pu' batlh. batlh par charghwI'.
jonwI' QaQqu' mojta' charghwI'. jonta'mey nuHmey je chenmoHta'.
DaH Dochvam Hoch. leS jatlhqa'.
-- charghwI'
