[101588] in tlhIngan-Hol
[Tlhingan-hol] News from Maltz: Chemistry
daemon@ATHENA.MIT.EDU (Lieven)
Wed Oct 28 19:54:21 2015
From: Lieven <levinius@gmx.de>
To: "tlhingan-hol@stodi.digitalkingdom.org"
<tlhingan-hol@stodi.digitalkingdom.org>
Date: Thu, 29 Oct 2015 00:54:25 +0100
Errors-To: tlhingan-hol-bounces@kli.org
SKI: revealing some new words about chemistry in klingon. Translation
follows.
qepHomDaq mu'mey law' 'angta' matlh.
DaH Hap 'ay'Hommey DIDellaHchu'. jIQIjmeH tlhIngan Hol neH vIlo'. bIyaj
'e' vItul.
bIQ 'ay'Hom mach Dellu'chugh, vaj 'oHvaD 'o'rIS ponglu'. wej HeySelmey
ghaj bIQ 'o'rIS: cha' bIQSIp HeySel ghaj, wa' yInSIp HeySel ghaj. 'ach
'o'rIS Dellu'meH <ghaj> jatlhlu'be'. <yugh> 'oH wot'e'. roD HeySelmey
'op yugh 'o'rIS. (mu' ghoQ tu'lu' je: <'uch>). reH cha' HeySelmey yugh
yInSIp 'o'rIS.
latlh tamlermey pong matlh:
- julSIp ghovlu'bej.
- meQlu'bogh Sor Hap rur ghav.
- waghqu' qol'om SIrlIy je. roD Qeb chenmoHmeH qol'om lo'lu', bochDI'
vaj jul rur. baS rur SIrlIy. rut pe'meH taj chenmoHmeH SIrlIy lo'lu'.
- 'etlh chenmoHmeH 'uSqan lo'lu'. (qIDlu'DI' chaq bom ghom noyqu'vaD
<'uSqan be'pu'> ponglaH vay')
- tamler 'ughqu' tu'lu' je: 'oHvaD ngIDvoS ponglu'. rut nInDaq ngIDvoS
tu'lu'.
- baS Doq rur Sorpuq, 'ach yIQDI' vaj chaq SuDchoH Sorpuq.
- SuD 'ej wov no'negh. cha' bIQSIp HeySelmey boqchugh no'negh vaj
He'So'qu'. QImmey non rur.
DaH pemugh. mu'meyvetlh vIparHa'qu'.
poH vIghajchugh, chaq tugh latlh mu'mey vI'ang.
--
Lieven L. Litaer
aka Quvar valer 'utlh
Grammarian of the KLI
http://www.facebook.com/Klingonteacher
http://www.klingonwiki.net
_______________________________________________
Tlhingan-hol mailing list
Tlhingan-hol@kli.org
http://mail.kli.org/mailman/listinfo/tlhingan-hol
