[100280] in tlhIngan-Hol
Re: [Tlhingan-hol] tlhoyHa' tlhIngan Hol vIlo'.
daemon@ATHENA.MIT.EDU (Robyn Stewart)
Mon Feb 23 21:04:47 2015
From: "Robyn Stewart" <robyn@flyingstart.ca>
To: <tlhingan-hol@stodi.digitalkingdom.org>
In-Reply-To: <54EBA898.3020401@gmx.de>
Date: Mon, 23 Feb 2015 18:04:29 -0800
Errors-To: tlhingan-hol-bounces@kli.org
QInlIj vIyajmeH mu'tlheghmey 'op luQIjnISlu'. chaq lo'mey, mu'mey chu' joq
vIghovbe'. chaq mu' DaghItlhHa'pu'.
> Hol wIbop 'e' wItIv.
qar'a' lo'vam? <Hol bopbogh SoQ> vIyaj 'ach vay' wIboplaH'a' maH? boplaH
mu'mey, bom, lut, qech joq. boplaHbe'law' nuv. motlhchugh lo'vam, ghantoH
vISovbe'.
> 'It DoD vIlIj muja'bej vay', 'ach SaH 'Iv?
DoD 'It DalIjpu''a'? chay' 'ItchoHlaH'a' DoD? DoD 'It vItu'chugh
vIlIjbe'law' jIH.
> 'opleS vIghro'wIj vIHeghnISmoHta'.
Do'Ha'. batlh yInDaj tIvpu' 'e' vItul.
> 'ach qaSDI' jajvetlh, jI'IQ 'ej waI'vetlh vIDelta' vIneHbe'.
mu' <wal> vIghovbe', 'a ghaytan <wanI'> DaghItlhHa'pu' neH.
qen taghwI' mu'mey vIbuSmo' ghaytan ragh mu'tay'wIj. yabwIjDaq HochHom
vIpol, 'ach pa' mu' vIweghDI', rut So''egh 'ej vIneHDI' cha''eghqangbe'law'.
De'wI'Daq naQbe'bej mu'tay' tetlhwIj, vaj QoghIjwIjDaq So'qu''eghDI' mu',
vISammeH paqmey law', weQmoQnaQ je vIlo'nIS. mI'taHmeH mu'meywIj majatlh 'e'
vImaS.
FacebookDaq mu'mey qeltaHmo' ghojwI' 'ej lo'choHbe'mo' jIQay'. taghwI'
vImaw. jIqej 'e' vIpay 'a jItlhIjpu'DI' 'ej jIQIjpu'DI', tlhingan Hol
lo'choH ghojwI'vetlh 'ej tlhIbHa' ghaH. vaj chaq QeHwIj vIpaybe'. MUSH
wIghajqa' vIneHqu'. chaq tugh wIghajqa'.
wej tlhIngan Hol yejHaD Daq chu' ghuSlu'mo' jImoghqu'choH. tugh ghojwI'
paQDI'norgh vI'oghpu'bogh vInobchoH 'ej 'oHmo' chepbe' yejHaD.
- Qov
_______________________________________________
Tlhingan-hol mailing list
Tlhingan-hol@kli.org
http://mail.kli.org/mailman/listinfo/tlhingan-hol
